A Baia 新海灣葡式美食

thermostat

新海灣尋正宗葡菜

想食正宗葡國菜？近近哋可以去一海之隔嘅澳門！好多旅居當地嘅葡萄牙人開咗餐館，為大家帶嚟正宗葡式風味！
呢間位於澳門倫敦街88號嘅「A Baia 新海灣」餐館，就係由一對喺葡萄牙有30年開餐廳經驗嘅夫婦開架喇。所有食材，包括白米、海鮮，或是香腸都係由葡國直送，口味夠晒純正！
呢度嘅葡式沙律、炒蜆非常之鮮甜。葡式香腸芝士火腿、葡式馬介休都值得一試。最特別嘅要數原鍋上嗁海鮮煲，入面有齊龍蝦、明蝦同海蝦，齋係飲啖湯咋，就令人回味無窮！最後再食埋傳統葡式甜品，真係夠晒滿足！
另一間位於氹仔嘅葡式小店「Castico」，就係當地葡萄牙人一解鄉愁嘅聚腳地，摸住酒杯底就可以消磨一個晏晝。www.isletforum.com 雖然老闆係上年不幸離世，依家由個仔接手，不過小店仍然保持到水準。



豬肉粒炒蜆、馬介休燴薯仔、經典嘅燴鴨飯，全部都喺米芝蓮推介嘅美食！
唔好以為只係得小店先可以試到正宗葡菜，喺葡京酒店亦都試到！入面嘅「葡國餐廳 Guincho a Galera」兩年前開張，主打精緻葡菜，短時間內已經得到米芝蓮肯定。特式海鮮飯， 葡式燒乳豬更係餐廳嘅王牌！
餐廳主廚係來自葡萄牙，對食材理解相當深入，連麵包都由佢每日監控，新鮮製造！而佢最拿手之作就喺燒乳豬，仲好自信咁話，歡迎各廣東大廚嚟踢館。囂得佢呀！

新海灣葡式美食
澳門宋玉生廣場(皇朝)倫敦街88號環宇豪庭地舖
2875 1465
資料來源:  蘋果日報（05 July 2014)