紅A - 我們的經典......

cucumber

活化紅A 不斷Cre A

紅A的水桶、太空喼書包、痰盂、水壺、膠櫈、沖涼盆，統統是香港人的集體回憶，在紅A的showroom裏，梁馨蘭說除了那個太空喼，其他她全部用過「印象最深係張櫈，我細個嗰陣嫲嫲有間麻雀房，裡面有好多零食，我入去偷啲零食然後揭起個櫈蓋收埋…係我嘅零食櫈！」

「上等質素　紅A做到」這句用了幾十年的廣告slogan，聽起來，帶點「土氣」，但看輕這八個字，紅A第二、三代的傳人，正正就憑著這個簡單的理念，令這個始於1949年的本土塑膠經典品屹立不倒。


梁馨蘭





曾於1970年代風靡香港學生之紅A塑膠書喼上的產品說明貼紙（香港歷史博物館展品）

紅A由梁知行一手創辦，及後交棒予長子梁鶴年及其太太，現時，兩名孫女也加入了星光實業(即紅A母公司)協助打理祖業，其中一個，就是業務拓展總監梁馨蘭(Jessica)，主責走到幕前「活化」紅A這個品牌。

有謂創業難，守業更難，梁馨蘭(Jessica)說，紅A是做家庭用品起家，至80年代初爺爺交棒給她的父母，開始多元化發展，「嗲哋媽咪都下咗唔少功夫，好多皇牌產品都係喺嗰個年代出現，到我哋第3代，我哋要諗點樣catch up番個gap……」

曾幾何時有段時間，紅A恍如消失了，梁馨蘭說她很想澄清，「80年代初開始家品市場有少少飽和，Daddy做咗好多development，肆意發展餐飲業適用嘅container同產品，嗰陣微波爐產品攞好多獎，醫療產品亦開始發展……大家認為你靜，由幕前走咗去幕後，但其實只要大家留意一下，每一個角落、生活部份，總有一件我哋嘅產品喺附近！」

相比爺爺那一代，梁馨蘭說現時做家品難度非常之高，「以前家品就係家品，但呢一代嘅顧客要求多咗，又要eye catching……」承接第二代的創意、活化紅A的品牌，於是，她帶領著十多人的團隊、花9個月時間開創了另一條副線Cre A，「因為香港人居住環境寸金呎土，空間好值錢，不能浪費任何一個空間，尤其係個廚房！」Cre A頭炮的幾個產品，都標榜著一物多用、設計新穎、顏色鮮豔，一如在市面所見的新潮家品；「嗰啲唔係我哋競爭對手，好多其實係我哋啲客，其實嚟緊我哋都想入番一啲high end嘅retail……」

為紅A帶來第一桶金的水桶，是紅A創立以來最暢銷的產品，但今日講紅A的「缸」湖地位，應數應用在餐飲業的儲物、載物箱。梁馨蘭說，「香港澳門嘅餐飲業，99%有用我哋啲產品，中國市場uprising當中……」80年代紅A很多餐飲業的客人北上開業，最初都貪便宜採用made in China的器皿、儲物箱等，但這個行業較其他行業更需要安全、衛生，就算較別家貴一半，這批大客也回流到堅持用料上乘的紅A的懷抱，並為紅A帶來新客戶。至於那些膠箱，梁馨蘭說幾十年下來已出過五、六十款，絡繹不絕的訂單可告訴大家它們的耐用程度。www.isletforum.com

直到今日，紅A仍扎根新蒲崗，梁馨蘭謂因應來自內地餐飲業的訂單，去年始開拓中國市場「9個月左右做咗7位數生意，demand反過嚟expect我哋入中國，呢個部份只有增長無跌嘅，可能旁人覺得遲咗，但其實時間啱啱好……」而亦因對品質、 產品安全的堅持，紅A不打算冊遷至內地，會繼續made in Hong Kong。

鐘聲響起 歸家的訊號                                        在紅A的新蒲崗總壇，有60年代的寫字檯、廁所，還有那個年代的工廠傳統－「打冷鐘」！梁馨蘭說，這個做法，是提醒大家開工、放飯、食完飯埋位開工、夠鐘收工，「以前仲會講埋嘢嘅，大概係現在係五點四十五分，放工時間到…」尤其是因爺爺那個年代，廠裏還設有飯堂、宿舍，故更需要「打冷鐘」來提醒工友。今時今日，紅A每日有5次「打冷鐘」，訪問期間5:45pm那一刻，尤如鐘聲響起歸家的訊號，員工即時拿著手袋、背包放工「我哋鼓勵work life balance，絕對唔會第二日話個同事點解你噚日咁早走…」

http://www.starred-a.com/index.php?sub_page=abc&language=tc
https://www.facebook.com/starreda.hk
http://zh.wikipedia.org/zh-hk/%E7%B4%85A
資料來源 : 蘋果日報 (01 May 2014)