十大懷舊零食

cucumber

青春可否不會老
十大懷舊零食
        

以上都係仲可以買到嘅懷舊零食，好想食呀！

叮噹配音員－無綫電視資深配音員林保全上星期離世，令唔少香港人都感到惋惜，尤其70、80後嘅香港人。隨之令香港再次掀起一股懷舊潮，齊齊懷緬過去....
今次動主播吉吉、汶汶、Yvonne出動同大家一齊懷緬一下小時候嘅零食－懷舊零食。

眼鏡巧克力
眼鏡形狀包裝，內裝巧克力，小時候會玩猜包剪揼，勝出後可以先揀自己鍾意個隻顏色嘅朱古力，仲會穿埋橡根當眼鏡咁帶。


戒指糖
戒指形狀嘅糖果，可以當真戒指一樣套入手指，小時候想送禮俾心儀女仔，但又無錢買真戒指，就會送隻戒指糖俾對方，幾十卡嘅讚戒糖，非常甜蜜。


欣欣杯
杯狀零食，裡面有手指餅，有朱古力醬同士多啤梨醬兩隻味道。




沙爹魚串
一串串烤魚乾，男生們至愛，一串串隨處食，風味十足。80年代的士多或辦館可以一串一串買，現今只可以一大包買。

咪高峰糖
咪高峰的外型，入面裝有果汁糖，附有一支可吹響的哨子。

大白兔奶糖
香港經典零食，白色嘅奶糖，外面包住一層薄薄嘅糯米紙，有些朋友只喜歡食表面嘅糯米紙，亦有人一度以為外層嘅糯米紙係唔食得。


孖條 $5/條
孖條滿載情侶「你一條我一條」的甜蜜回憶，最初孖條是紙包裝，這雙孖條是阿波羅公司出產的新包裝。


無花果 $2/樽
老闆最愛，味道酸酸甜甜，不過他指小粒狀的八仙果更加經典。

汽水糖
外型好似汽水罐，有可樂味，提子咪兩種口味，深得小朋友歡心。

唧唧冰／冰條
經典中嘅經典食品，果汁味嘅顏色水，夏日火火，最啱食冰條降温。
　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　
蜜蜂糖
黃色包裝紙，檸檬蜜味糖，冇可能冇食過啦！？

不過唔講唔知，原來時下嘅年青人好多都未見過以上嘅懷舊零食，而大部份試過後嘅人都話，就算價錢比懷舊零食貴，都會選擇依家嘅零食，原因係選擇較多，包裝比較靚，味道較好味。

資料來源：蘋果日報（09 January 2015）